• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

جنرل ہسپتال کے’’ اورل اینڈ مکسیلو فشل ‘‘ میں مریضوں کاعلاج شروع

میرا شہر
لاہور
19 مئی ، 2025
لاہور(جنرل رپورٹر)پرنسپل امیر الدین میڈیکل کالج پروفیسر ڈاکٹر محمد الفرید ظفر نے کہا ہے کہ وزیر اعلیٰ پنجاب مریم نواز شریف کی ہیلتھ سیکٹر ڈویلپمنٹ پالیسی پر عملدرآمد کرتے ہوئے لاہور جنرل ہسپتال میں شعبہ ’’اورل اینڈ میکسیلو فشل ‘‘میں مریضوں کا علاج شروع کر دیا گیا۔اس نئے شعبے کے آغاز سے ایل جی ایچ میں چہرے کے کینسر اور بناؤٹی نقائص کے علاج معالجہ کی بڑی اور جدید سہولت دستیاب ہو گی۔ ان خیالات کااظہارپروفیسر الفرید ظفر نے شعبے کی افتتاحی تقریب میں گفتگو کرتے ہوئے کیا۔اس موقع پر ایم ایس ڈاکٹر فریاد حسین، پروفیسر ارغمان اسرار مرزا، ڈاکٹر محمد الیاس، ڈاکٹر عامر ایوب، ڈاکٹر عبدالعزیز و ہیلتھ پروفیشنلز بھی موجود تھے۔ ہیڈ آف دی ڈیپارٹمنٹ پروفیسر ارمغان اسرار مرزا نے بتایا کہ 20بستروں پر مشتمل وارڈقائم کی گئی ہے ۔جبکہ پیر اور جمعرات آؤٹ ڈور میں مریضوں کو طبی معائنہ و علاج کی سہولیات دستیاب ہوگی۔
لاہور سے مزید