فرمان الہی
نماز کے اوقات
بھارت کی کانگریس پارٹی کے مرکزی رہنما اور لوک سبھا میں اپوزیشن لیڈر راہول گاندھی نے بھارتی وزیراعظم کو مخاطب کرتے ہوئے کہا کہ مودی جی کھوکھلی تقریریں کرنا بند کریں۔
انھوں نے کہا مودی جی، آپ نے ٹرمپ کے آگے جھک کر بھارتی مفادات کی قربانی کیوں دی؟ مودی جی صرف کیمروں کے سامنے ہی کیوں آپ کا خون کھولتا ہے؟ آپ نے بھارت کی عزت پر سمجھوتا کیا ہے۔
واضح رہے کہ بھارتی اپوزیشن اور کانگریس نے آپریشن سندور کے دوران حکومت کا ساتھ دیا، لیکن سیز فائر کے اعلان کے بعد راہول گاندھی نے بی جے پی کی حکومت پر حملے شروع کیے ہیں۔
اب انھوں نے سوشل میڈیا پلیٹ فارم ایکس (سابق ٹوئٹر) پر مودی پر زور دیا کہ وہ خالی خولی بھاشن نہ دیں اور انھیں تین سوالوں کے جواب دیدیں۔
انکا پہلا سوال یہ تھا کہ آپ نے پاکستان کے دہشتگردی پر بیان پر یقین کیوں کیا؟
نمبر دو آپ نے ڈونلڈ ٹرمپ کے سامنے جھک کر بھارتی مفادات کو کیوں قربان کیا؟
اور نمبر تین آپ کا خون صرف کیمروں کے سامنے کیوں کھولتا ہے؟ راہول گاندھی کا مزید کہنا تھا کہ آپ نے بھارت کی عزت کا سودا کیا۔
اس سے قبل کانگریس پارٹی نے الزام عائد کیا کہ سفارتی وفد بیرون ملک بھیجنا بھارتی حکومت کا ڈبلیو ایم ڈی، ویپنز آف ماس ڈسٹریکشن (بڑے پیمانے پر لوگوں کی توجہ دوسری جانب کرنے کا ہتھیار) ہے۔
انھوں نے مطالبہ کیا کہ مودی پارلیمنٹ کا خصوصی اجلاس بلائیں اور امریکی صدر ٹرمپ کے پاک بھارت سیز فائر کرانے کے دعوے کی وضاحت کریں۔
