فرمان الہی
نماز کے اوقات
مشیر اطلاعات خیبر پختونخوا بیرسٹر سیف نے کہا ہے کہ عیدالاضحٰی کے موقع پر جامع صفائی پلان کوحتمی شکل دے دی۔
انہوں نے کہا ہے کہ عوامی شکایات کے بروقت ازالے اور مانیٹرنگ کےلیے مرکزی کنٹرول روم قائم کردیا گیا ہے۔
مشیرِاطلاعات خیبر پختونخوا بیرسٹرمحمد علی سیف نے کہا ہے کہ عید الاضحٰی کے موقع پر جامع صفائی پلان کو حتمی شکل دے دی ہے۔
مشیر اطلاعات نے بتایا کہ عیدنماز سے قبل تمام عیدگاہوں کی مکمل صفائی کا عمل مکمل کیا جائے گا۔
بیرسٹر سیف نے کہا کہ ماحول دوست بائیوڈیگریڈیبل شاپنگ بیگز تقسیم کیے جا رہے ہیں۔
انہوں مزید بتایا کہ گنجان آباد علاقوں میں عارضی ویسٹ کلیکشن پوائنٹس قائم کیے گئے ہیں۔ مشیرِاطلاعات خیبر پختونخوا نے بتایا کہ ویسٹ ٹرانسفر اسٹیشنز کے ذریعے فضلے کو فوری ڈمپنگ سائٹس پہنچایا جائے گا۔
بیرسٹر سیف نے عیدالاضحیٰ کے حوالے سے انتظامات کی تفصیل بتاتے ہوئے کہا کہ صفائی پر مامور عملے کی نگرانی کےلیے ٹریکنگ سسٹم استعمال کیے جائیں گے۔
انہوں نے کہا ہے کہ تعطیلات کے دوران جراثیم کش اسپرے، سڑکوں کی صفائی کا عمل جاری رہے گا۔
بیرسٹر سیف نے کہا کہ عوام سے اپیل ہے ہدایات پر عمل کریں اور ویسٹ ڈمپنگ کےلیے مختص مقامات کا استعمال کریں۔
مشیر اطلاعات کے پی نے کہا کہ نالوں، کھلے مقامات یا جنگلات میں فضلہ پھینکنے سے گریز کریں۔
