فرمان الہی
نماز کے اوقات
آسٹریا کے شہر گراس کے سرکاری اسکول میں فائرنگ سے 10 افراد ہلاک ہو گئے ہیں۔
مقامی میڈیا کے مطابق ایک 21 سالہ حملہ آور نے ایک اسکول کے 2 کلاس رومز میں داخل ہو کر پستول اور شاٹ گن سے اندھا دھند فائرنگ کی۔
رپورٹ میں مزید بتایا کہ یہ واقعہ مقامی وقت کے مطابق صبح 10 بجے کے قریب پیش آیا۔
رپورٹ کے مطابق اسکول میں داخل ہوکر فائرنگ کرنے والا شخص اسکول کا ہی سابق طالب علم تھا جو مبینہ طور پر اسکول میں بدسلوکی کا شکار رہا، فائرنگ کے بعد حملہ آور اسکول کے باتھ روم میں مردہ حالت میں پایا گیا اس لیے خیال کیا جا رہا ہے کہ اس نے خودکشی کی ہے۔
رپورٹ میں بتایا ہے کہ اس واقعے میں اب تک 10 افراد ہلاک افراد ہو چکے ہیں جن میں حملہ آور بھی شامل ہے جبکہ 12سے زائد افراد شدید زخمی ہیں جن میں سے 9 زخمیوں کی حالت انتہائی نازک ہے۔
رپورٹ کے مطابق ہلاک ہونے والوں میں اسکول کے بچے اور ایک ٹیچر بھی شامل ہیں۔
واقعے کے فوراً بعد پولیس، ریسکیو اور طبی ادارے موقع پر پہنچ گئے اور اسکول کی عمارت کا اچھی طرح جائزہ لیا گیا اور دوپہر کے وقت حکام نے صورتِ حال کو عوام کے لیے محفوظ قرار دے دیا۔
اس واقعے کو آسٹریا کی تاریخ کے بدترین واقعات میں شمار کیا جا رہا ہے، پورے شہر گراس کی فضاء سوگوار ہے اور آسٹریا بھر میں اس واقعے پر افسوس کا اظہار کیا جا رہا ہے، سیکیورٹی ادارے اس واقعے کی مزید تفصیلات جلد جاری کریں گے۔
