فرمان الہی
نماز کے اوقات
امریکا میں وفاقی جج نے محکمہ ہوم لینڈ سیکیورٹی کو لاس اینجلس میں تارکین وطن کی گرفتاریاں روکنے کا حکم دے دیا۔
غیر ملکی خبر رساں ادارے کے مطابق وفاقی جج نے حکم سنایا کہ محکمہ ہوم لینڈ سکیورٹی لاس اینجلس میں بغیر معقول شک کے تارکین وطن کی گرفتاریاں کرنے میں ملوث رہا ہے۔ محکمہ صرف نسل، بولی جانے والی زبان یا پیشے کی بنیاد پر افراد کو حراست میں لینا بند کرے۔
وفاقی جج نے ہوم لینڈ سیکیورٹی کو اپنے افسران کے لیے معقول شک کے تعین میں مددگار اور رہنمائی فراہم کرنے کی ہدایت کی اور یہ بھی حکم دیا کہ وہ گرفتاریوں کی باقاعدہ دستاویزات تیار کریں اور مدعیان کے وکلاء کو فراہم کریں۔
غیر ملکی خبر رساں ادارے کے مطابق یہ فیصلہ امریکی سینٹرل ڈسٹرکٹ آف کیلیفورنیا کے سات کاؤنٹیوں کے دائرۂ اختیار تک محدود ہے، جس میں لاس اینجلس اور اس کے گرد و نواح کے علاقے شامل ہیں۔
