• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

عوام کی سہولت کیلئے پارک بکنگ کا عمل ڈیجیٹلائز کر دیا ،ڈی جی پی ایچ اے

میرا شہر
لاہور
19 جولائی ، 2025
لاہور(خصوصی رپورٹر)ڈی جی پی ایچ اے منصور احمد نے عوام کی سہولت کے لیے ایک نیا اقدام اٹھاتے ہوئے پارک بکنگ کا عمل ڈیجیٹلائز کر دیا ہے۔ عوامی سہولت کے پیش نظر ڈی جی پی ایچ اے کی ہدایت پر جدید آن لائن پارک بکنگ سسٹم فعال کردیا گیا ہے، اب ایونٹس کے لیے پارک کی بکنگ پی ایچ اے ویب پورٹل pha.gop.pk پر دستیاب ہوگی ۔ پارکس بکنگ کی ادائیگی بھی آن لائن ممکن ہے۔ اس حوالے سے ڈی جی پی ایچ اے منصور احمد کا کہنا تھا کہ اب پارک میں کسی بھی ایونٹ کے لیے بکنگ صرف ایک کلک پر ممکن ہے، شہری اب شادی، نجی وکارپوریٹ ایونٹس یا دیگر تقریبات کے لیے پارک کی بکنگ آن لائن کرا سکیں گے۔ انہوں نے کہا کہ شفافیت، عوامی سہولت اور وقت کی بچت کے لیے ڈیجیٹل سسٹم کا نفاذ ضروری تھا، پی ایچ اے ویب سائٹ کے ذریعے پارک ایونٹ کی بکنگ کی جا سکتی ہے۔ بغیر دفتر آئے اب ایونٹ بکنگ کا پورا عمل آن لائن مکمل ہو گا۔ انہوں نے کہا کہ جدید بکنگ سسٹم سے عوامی سہولت میں اضافہ ہو گا، پی ایچ اے لاہور وزیراعلی پنجاب مریم نواز شریف کے وژن کے تحت شہری سہولیات کی فراہمی کیلئے کوشاں ہیں۔
لاہور سے مزید