فرمان الہی
نماز کے اوقات
آرٹ ورک یا کھانے کی چیز؟ فرانسیسی میوزیم میں 6 ملین ڈالر کا کیلا پھر کسی نے کھالیا۔
فرانسیسی شہر میتز کے مشہور سینٹر پومپیدو میوزیم میں اطالوی آرٹسٹ ماریزیو کیٹیلان Maurizio Cattelan کی مشہور زمانہ ’کامیڈی‘ تھیم پر نصب کیا گیا ’کیلے‘ کا آرٹ ورک ایک بار پھر کسی نے کھالیا، یہ فن پارہ ایک دیوار پر چپکائے گئے اصلی کیلے پر مشتمل ہے، جس کی مالیت چھ ملین امریکی ڈالر سے زائد ہے۔
یہ واقعہ 12 جولائی کو پیش آیا جب ایک وزٹر نے آرٹ ورک سے کیلا نکال کر کھا لیا، میوزیم نے بیان میں کہا کہ سیکیورٹی نے بروقت اور پُرامن طریقے سے صورتحال کو سنبھالا اور چند ہی منٹوں میں آرٹ کو دوبارہ لگا دیا گیا۔
میوزیم کے مطابق کیلا وقتاً فوقتاً فنکار کی ہدایت پر بدلا جاتا ہے، تاہم فنکار موریزیو کیٹیلان نے اس عمل پر مایوسی کا اظہار کیا۔
یہ پہلا موقع نہیں کہ اس فن پارے کو کھایا گیا ہو،2019ء میں امریکی پرفارمنس آرٹسٹ ڈیوڈ داتونا نے بھی یہی کیلا آرٹ باسل میلہ میں دیوار سے اتار کر سب کے سامنے کھا لیا تھا۔
2023ء میں جنوبی کوریا کے ایک طالب علم نے سیؤل کے میوزیم میں بھی یہی حرکت دہرائی تھی۔
2024ء میں معروف چینی کلیکٹر جسٹن سن نے یہ آرٹ ورک نیلامی میں 6.24 ملین ڈالر میں خریدا اور پھر خود ہی کھالیا۔
سینٹر پومپیدو میوزیم کے مطابق یہ آرٹ دنیا کا گزشتہ 30 سالوں میں سب سے زیادہ کھایا جانے والا فن پارہ بن چکا ہے۔
