فرمان الہی
نماز کے اوقات
پشاور(این این آئی)جمعیت علمائے اسلام‘ مسلم لیگ (ن)‘ پیپلزپارٹی اور عوامی نیشنل پارٹی نے خیبرپختونخوا حکومت کی آل پارٹیزکانفرنس میں شرکت نہ کرنے کا فیصلہ کرلیا۔دوسری جانب وزیراعلیٰ خیبرپختونخوا علی امین گنڈاپورنے سیاسی جماعتوں کے اے پی سی میں عدم شرکت کے اعلان پر کہا کہ امن و امان پرآج اے پی سی بلائی ہے، جو اے پی سی میں شرکت نہیں کرتے انہیں عوام کی پرواہ نہیں۔اے این پی کے صوبائی صدر میاں افتخار نے کہاہے کہ آل پارٹیز کانفرنس پی ٹی آئی نے نہیں حکومت کی جانب سے بلائی گئی ہے‘کے پی حکومت نے تمام فیصلہ کرلئے ہیں، اب آل پارٹیز کانفرنس کی ضرورت نہیں ۔
