فرمان الہی
نماز کے اوقات
خیبر پختون خوا کے آئی جی ذوالفقار حمید نے کہا ہے کہ صوبے میں کچھ ہائی ویز ایسی ہیں جو خطرناک علاقوں میں ہیں، ایسی ہائی ویز پر طالبان آتے ہیں، ناکا لگانے کی کوشش کرتے ہیں تو پولیس فوری کارروائی کرتی ہے۔
انہوں نے کہا ہے کہ ناکے لگانے کے دوران طالبان کے ساتھ بہت دفعہ مقابلہ ہوا جس میں ان کے لوگ مارے گئے، طالبان کو ہائی ویز پر آنے سے روکنے کا مستقل حل ٹانک ڈی آئی خان روڈ پر چوکیاں قائم کرنا ہے۔
آئی جی کے پی کا کہنا ہے کہ درازندہ اور بلوچستان تک جو روڈ جاتے ہیں ان پر بھی چوکیاں قائم کرنے کی ضرورت ہے، چوکیاں قائم کرنے کے لیے اسکیم منظور ہو گئی، فنڈز ملتے ہی ان کو مکمل کریں گے۔
انہوں نے کہا کہ موٹر وے پر ایک سال سے پیٹرولنگ بند تھی، ہم نے دوبارہ شروع کی ہے، کرم میں صورتِ حال نارمل ہوچکی ہے، تمام بنکرز ختم کر دیے گئے ہیں، ٹل پاڑاچنار روڈ کی حفاظت کے لیے روڈ پروٹیکشن فورس کام کر رہی ہے، شر پسندی میں ملوث 150 سے زیادہ ملزمان کو گرفتار کیا، مقدمات عدالتوں میں چل رہے ہیں۔
