• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

مودی نے انتخابات میں 100 نشستوں پر بدترین دھاندلی کرائی، راہول گاندھی

آج کا اخبار
اہم خبریں
04 اگست ، 2025
نئی دہلی (آن لائن)مودی کے زیر اثر بھارتی انتخابی نظام، اپوزیشن لیڈر کے ہاتھوں بے نقاب ہوگیا۔دنیا کی سب سے بڑی نام نہاد جمہوریت کے دعوے دار بھارت کا پردہ چاک ہوگیا۔بھارتی اپوزیشن لیڈر اور کانگریس کے رہنما راہول گاندھی نے وزیر اعظم مودی پر الزام عائد کرتے ہوئے دعویٰ کیا ہے کہ مودی نے لوک سبھا کی 100 نشستوں پر دھاندلی کروائی۔راہول گاندھی کے بی جے پی کے چوری شدہ الیکشن کے انکشاف نے بھارتی انتخابی نظام کا راز فاش کر دیا ۔ مودی نے اقتدار پر قبضہ کرنے کیلئے انتخابات میں بدترین دھاندلی کروائی۔اپوزیشن لیڈر راہول گاندھی نے مودی سرکار پر سخت تنقید کرتے ہوئے کہا کہ انتخابی نظام کے بارے میں جب ڈیٹا جاری کریں گے، تو یہ ایٹم بم جیسا ہوگا ‘بھارت کا انتخابی نظام پہلے ہی مر چکا ہے، راہول گاندھی نے کہا کہ اگر نشستیں دھاندلی سے نہ جیتی گئیں ہوتی تو مودی بھارت کا وزیراعظم نہ ہوتا، ہم ثابت کریں گے کہ لوک سبھا کا الیکشن کیسے چوری کیا گیا، جس ادارے نے جمہوریت کا دفاع کرنا تھا، وہ خود قبضے میں چلا گیا۔ مودی نے ووٹ کے ساتھ ساتھ بھارتی عوام کا اعتماد بھی چھین لیا۔جو ووٹ بھارتی عوام کا حق تھا، وہ مودی کی ہوسِ اقتدار کی بھینٹ چڑھ گیا۔جمہوریت کی قاتل، بی جے پی سرکار صرف چوری شدہ مینڈیٹ سے اقتدار پر قابض ہے۔
اہم خبریں سے مزید