• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

کراچی کو آج 10 کروڑ گیلن پانی کم فراہم کیا جائے گا

آج کا اخبار
اہم خبریں
04 اگست ، 2025
کراچی(اسٹاف رپورٹر)دھابیجی پمپنگ اسٹیشن سے پیر کو کرچی شہر میں دس کروڑ گیلن پانی کم سپلائی کیا جا سکے گا کراچی واٹر کارپوریشن کے مطابق کے الیکٹرک کی جانب سےپیر کو بن قاسم کلسٹر کے تحت آنے والے دھابیجی سب اسٹیشن اور گرڈ اسٹیشن پر ضروری مینٹی ننس کا کام انجام دیا جائیگا جس کے باعث کراچی کے سب سے اہم دھابیجی پمپنگ اسٹیشن کے مختلف فیڈرز پر بجلی کی فراہمی جزوی طور پر معطل رہے گی ترجمان واٹر کارپوریشن کے مطابق شٹ ڈاؤن کا دورانیہ مجموعی طور پر 9 گھنٹے پر محیط ہوگا کیونکہ مینٹیننس کا یہ عمل صبح 10 بجے سے شام 7 بجے تک جاری رہے گا بجلی کی اس معطلی کے باعث کراچی شہر کو پانی کی فراہمی میں 100 ملین گیلن تک کی کمی کا سامنا کرنا پڑ سکتا ہے جس کے نتیجے میں لانڈھی، کورنگی، شاہ فیصل کالونی، بن قاسم، ڈی ایچ اے اور نارتھ ناظم آباد کے علاقوں میں پانی کی فراہمی متاثر ہوگی۔دریں اثناء ترجمان کے الیکٹرک نے کہا ہے کہ دھابیجی پمپنگ اسٹیشن کے 22 میں سے 4 پمپنگ اسٹیشنز پر بروز پیر مینٹیننس کے لیے شٹ ڈاؤن کیاجائے گاپمپنگ اسٹیشنز پر مینٹیننس شٹ ڈاؤنز واٹر بورڈ کی باہمی مشاورت اور رضامندی کے ساتھ کیے جاتے ہیں بجلی کی قابلِ بھروسہ فراہمی کے لیے مینٹیننس کے کام کیا جانا ضروری ہیں۔ علاوہ ازیں ترجمان واٹڑ کارپوریشن کے مطابق اس وقت کراچی شہر کو یومیہ 650 ملین گیلن پانی فراہم کیا جا رہا ہے، تاہم مینٹیننس کے دوران 550 ملین گیلن پانی کی فراہمی برقرار رکھنے کو مکمل طور پر یقینی بنایا جائے گا تاکہ شہریوں کو کم سے کم پریشانی کا سامنا کرنا پڑے ترجمان نے مزید بتایا کہ یہ شٹ ڈاؤن کے الیکٹرک کے ڈپٹی جنرل منیجر برائے گرڈ سسٹم آپریشنز کی جانب سے واٹر کارپوریشن کو موصول ہونے والی باقاعدہ درخواست کی بنیاد پر عمل میں لایا جا رہا ہے ترجمان نے شہریوں سے اپیل کی کہ وہ پانی کے استعمال میں احتیاط سے کام لیں، غیر ضروری استعمال سے گریز کریں اور ادارے سے بھرپور تعاون کریں تاکہ اس عارضی صورتحال کو بہتر انداز میں سنبھالا جا سکے۔
اہم خبریں سے مزید