لاہور(خالدمحمودخالد) بھارت کے قومی سلامتی کے مشیر اجیت ڈوول اور وزیر خارجہ ایس جے شنکر اس ماہ ماسکو کا دورہ کریں گے۔ اکنامک ٹائمز کے مطابق یہ دورے امریکی صدر ڈونالڈ ٹرمپ کے ان سخت ریمارکس کے بعد طے پائے ہیں جس میں انہوں نے بھارت اور روس کو مردہ معیشت قرار دیا تھا اور جرمانے کے ساتھ بھارتی اشیاء پر 25 فیصد ٹیرف کا اعلان کیا تھا۔ انہوں نے روس کے ساتھ اسٹریٹجک تجارتی تعلقات برقرار رکھنے والے ممالک کے لیے سزاؤں سے بھی خبردار کیا۔