• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

علماء انتہا پسندی کے تدارک کیلئے مستعد ہیں،سیکرٹری اوقاف

میرا شہر
لاہور
08 اگست ، 2025
لاہور(خبرنگار)سیکرٹری /چیف ایڈ منسٹریٹر اوقاف پنجاب ڈاکٹر طاہر رضابخاری نے علماء اکیڈمی کے چھتیسویں کورس کی تقریب تقسیم اعزازات سے خطاب کرتے ہوئے کہاکہ علماء انتہا پسندی کے تدارک کے لیے مستعد ہیں، محراب و منبر علمی اقدارو روایات کے امین اور تہذیب واخلاق کے علمبردار ہیں۔ خطیب کا پیغام آج بھی صائب اور منبر موثر ترین میڈیم ہے۔سوسائٹی نے دینی امور میں راہنمائی کے لیے ہمیشہ علماپر ہی انحصار کیا ہے اس موقع پر ڈائریکٹر جنرل مذہبی امور خالد محمود سندھو، سمیت کورس کے جملہ شرکاء ودیگر شخصیات بھی موجود تھیں۔ سیکرٹری اوقاف نے سہ ماہی ریفریشر کورس میں نمایاں پوزیشنز حاصل کرنے والے مؤذنین/ خدام، جس میں اوّل پوزیشن ہولڈر حافظ محمد نواز، دوئم پوزیشن ہولڈر حافظ عبد الماجد، سوئم پوزیشن ہولڈرحافظ زاہد اسحاق کو کتابوں کا تحفہ اور اعزازی سرٹیفکیٹس دیے اور ریفریشر کورس میں شرکت کرنے والے جملہ مؤذنین/خدام میں اعزازی اسناد بھی تقسیم کیں۔
لاہور سے مزید