• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

جنرل ہسپتال پنجاب بھر میں انفیکشن کنٹرول کرنے میں سرفہرست،ایم ایس

میرا شہر
لاہور
11 اگست ، 2025
لاہور (جنرل رپورٹر)لاہور جنرل ہسپتال نے ایک اور نمایاں سنگِ میل عبور کرتے ہوئے پنجاب کے تدریسی ہسپتالوں میں انفیکشن کنٹرول کرنے میں سرفہرست رہا۔ ایک حالیہ صوبہ گیر جائزے میں ایل جی ایچ کو پنجاب کے چار بہترین ٹیچنگ ہسپتالوں میں شامل کیا گیا، جبکہ تمام تدریسی اداروں میں سب سے زیادہ اسکور بھی لاہور جنرل ہسپتال نے حاصل کئے۔میڈیکل سپرنٹنڈنٹ ایل جی ایچ پروفیسر ڈاکٹر فریاد حسین کے مطابق یہ آزادانہ جائزہ نیشنل انسٹیٹیوٹ آف ہیلتھ (NIH) اسلام آباد اور محکمہ سپیشلائزڈ ہیلتھ کیئر اینڈ میڈیکل ایجوکیشن کی مشترکہ ٹیموں نے کیا۔ اس دوران انفیکشن کنٹرول کے تمام پہلوؤں کو بین الاقوامی اور قومی معیارات کے مطابق جانچا گیا۔پرنسپل امیر الدین میڈیکل کالج پروفیسر ڈاکٹر فاروق افضل نے کہا کہ یہ کامیابی ہیلتھ کئیر پروفیشنلز کی انتھک پیشہ وارانہ محنت، موثر نگرانی، اور مریضوں کو محفوظ ماحول فراہم کرنے کے عزم کا ثمر ہے۔
لاہور سے مزید