فرمان الہی
نماز کے اوقات
بانی پاکستان تحریک انصاف (پی ٹی آئی) کے بھانجے اور علیمہ خان کے بیٹے شیر شاہ اور شاہ ریز خان کی شواہد پر گرفتاری کی گئی، 9 مئی 2023 کو جناح ہاؤس پر حملے کے وقت ملزم شیر شاہ سزا یافتہ مجرم حسان نیازی کے ساتھ موجود تھا۔
ذرائع کا کہنا ہے کہ شیر شاہ 9 مئی 2023ء کو شر انگیزی کے بعد پہلے روپوش اور بعد میں لندن فرار ہو گیا تھا، ملزم شیر شاہ دو سال سے لندن میں روپوش تھا۔
جناح ہاؤس حملے کے ملزم شیر شاہ خان اور ملزم شاہ ریز خان کو گرفتار کیا گیا، ملزم شیر شاہ پر 9 مئی حملہ کیس میں پہلے بھی ایف آئی آر درج ہے، ملزم شیر شاہ پر جلاؤ گھیراؤ، توڑ پھوڑ، پولیس وین کو آگ لگانے کا الزام ہے۔
ایف آئی آر کے مطابق ملزم شیر شاہ پر 9 مئی کو پولیس اہلکاروں پر حملوں میں ملوث ہونے کا الزام ہے، شیر شاہ کی جائے وقوعہ پر موجودگی کے شواہد ویڈیو ریکارڈ کی صورت میں پولیس کے پاس موجود ہیں۔
شیر شاہ 9 مئی 2023ء کو شر انگیزی کے بعد پہلے روپوش اور بعد میں لندن فرار ہوگیا تھا، ملزم شیر شاہ پر ریاست کے خلاف کئی ماہ تک ڈیجیٹل مہم چلانے کا بھی الزام ہے، ملزم کو پاکستان واپسی پر پولیس نے 22 اگست 2025 کو گرفتار کیا۔
ذرائع کا کہنا ہے کہ ملزم شاہ ریز کا نام ستمبر 2023 کی ضمنی رپورٹ میں بھی شامل تھا، شاہ ریز کو 22 اگست 2025 کو عدالت میں پیش کیا گیا، ایف آئی آر کے اندراج کے بعد گرفتاری عمل میں لائی گئی ہے، 21 اگست 2025 کو ثبوتوں کی بنیاد پر باقاعدہ گرفتار کیا گیا۔
