فرمان الہی
نماز کے اوقات
برطانیہ، فرانس اور جرمنی نے ایران پر اقوام متحدہ کی پابندیاں دوبارہ لگانے کا عمل شروع کر دیا، ایران نے یورپی ممالک کے اس اقدام کو غیر معقول اور غیر قانونی قرار دے دیا۔
تینوں یورپی ممالک کے اقوام متحدہ سلامتی کونسل کو لکھے گئے خط میں کہا گیا ہے کہ ایران نے جوہری پروگرام سے متعلق وعدوں کی پاسداری نہیں کی، ایران 2015 کے جوہری معاہدے کے تحت اپنی ذمہ داریوں کی خلاف ورزی کا مرتکب ہوا ہے۔
تینوں ملکوں کے مطابق پابندیوں کے اسنیپ بیک میکنزم کو فعال کر رہے ہیں، اس میکنزم کے تحت پابندیاں دوبارہ عائد ہونے کا عمل 30 روز میں فعال ہو جائے گا۔
2015 کے جوہری معاہدے کے بعد ایران پر سے اقوام متحدہ کی پابندیوں معطل کر دی گئی تھیں۔
واضح رہے کہ گذشتہ دنوں ایران کے تین یورپی ممالک کے ساتھ نئے جوہری معاہدے پر بات چیت کے ادوار بھی ہوئے ہیں۔
