فرمان الہی
نماز کے اوقات
پنجاب میں سیلاب، ملک بھر کے مختلف شہروں میں موسمی خرابی اور انتظامی مسائل کے نتیجے میں 23 پروازیں منسوخ جبکہ فلائٹ شیڈول بھی شدید متاثر ہوا ہے۔
فلائٹ شیڈول کے مطابق ملک بھر کی 48 ملکی اور غیرملکی پروازوں کی آمد و روانگی تاخیر کا شکار ہے، سیالکوٹ ایئرپورٹ کی آج غیر ملکی ایئرلائن کی 14 پروازیں منسوخ ہوگئیں۔
سیالکوٹ ایئر پورٹ کی دیگر تمام پروازیں آج بھی لاہور سے آپریٹ کی جارہی ہیں، سیالکوٹ ایئرپورٹ کی دبئی کی ایک پرواز لاہور اتاری گئی ہے۔
موسمی خرابی کے سبب ابوظبی سے پشاور کی پرواز پی کے 218 ملتان میں اتاری گئی جبکہ اسلام آباد کراچی کی پرواز پی اے201 منسوخ کردی گئی ہے۔
فلائٹ شیڈول کے مطابق اسلام آباد گلگت کی 4 پروازیں پی کے601، 602، 603، 604 منسوخ کردی گئی ہیں، کراچی اسکردو کی نجی ایئر کی دو پروازیں پی اے 704 اور 705 بھی منسوخ کردی گئی ہیں۔
فلائٹ شیڈول کے مطابق لاہور اسکردو کی دو پروازیں پی اے 480، 481 بھی منسوخ ہیں، اسلام آباد ایئرپورٹ کی 18 پروازوں میں 1 سے 6 گھنٹے تاخیر ہے۔
فلائٹ شیڈول کے مطابق لاہور ایئرپورٹ کی 15 پروازوں میں 1 سے7 گھنٹے تاخیر ہو رہی ہے، کراچی ایئرپورٹ کی 10 پروازوں میں 1 سے سوا 5 گھنٹے تک تاخیر ہے۔
فلائٹ شیڈول کے مطابق کراچی اسلام آباد کی 6 پروازوں میں 1 سے 6 گھنٹے تاخیر ہو رہی ہے جبکہ کراچی لاہور کے مابین 5 پروازوں میں 1 سے پونے 3 گھنٹےکی تاخیر ہے۔
