فرمان الہی
نماز کے اوقات
عالمی شہرت یافتہ پاکستانی گلوکار عاطف اسلم کا کہنا ہے کہ میں پوری دنیا کے ساتھ رشتے داری نہیں کرسکتا کہ انہیں اپنے ہر ایک اقدام کی وضاحت دوں اور نہ لوگ مجھے بتا سکتے ہیں کہ مجھے کیا کرنا ہے اور کیا نہیں۔
خیال رہے کہ گزشتہ ماہ عاطف اسلم کے والد لاہور میں انتقال کرگئے تھے، والد کے انتقال کے اگلے ہی دن یومِ آزادی کے سلسلے میں انہوں نے کراچی میں منعقدہ کنسرٹ میں پرفارم کیا تھا، جس پر انہیں کافی سراہا گیا اور کہا گیا کہ گلوکار والد کے انتقال کے باوجود اپنی پیشہ ورانہ ذمہ داریوں سے پیچھے نہیں ہٹے۔
بعدازاں گلوکار کو یکے بعد دیگر ملکی و بیرونِ ملک کنسرٹس میں پرفارم کرتا دیکھ کر صارفین نے انہیں شدید تنقید کا بھی نشانہ بنایا۔
سوشل میڈیا صارفین کی جانب سے ہونے والی تنقید پر گلوکار نے ردعمل دیتے ہوئے کہا کہ میری ذاتی زندگی میں جو بھی ہو اس سے کسی کو کوئی فرق نہیں پڑنا چاہیے، جس طرح میرا کام نہیں ہے کہ میں انہیں بتاؤں کیا کرنا ہے اور کیا نہیں اسی طرح انہیں بھی کوئی حق نہیں ہے کہ مجھے بتائیں کہ کیا کرنا ہے اور کیا نہیں۔
انہوں نے کہا کہ میں پوری دنیا کے ساتھ رشتے داری نہیں کرسکتا کہ انہیں وضاحتیں دوں کہ میں نے کوئی کام کیوں کیا، میرا کام میوزک بنانا ہے، آرٹ تخلیق کرنا ہے، مجھے اس کے حوالے سے پسند کریں یا اسی کی بنیاد پر نفرت کریں، مجھے نہ سمجھائیں کہ کیا صحیح ہے اور کیا کرنا چاہیے۔
