فرمان الہی
نماز کے اوقات
ایم اے جناح روڈ پر پٹاخوں کے گودام میں دھماکے میں جاں بحق نوجوان کی والدہ نے گودام مالکان کے خلاف سٹی کورٹ کراچی میں ہرجانے کا دعویٰ دائر کردیا۔
درخواست گزار کے وکیل عثمان فاروق ایڈووکیٹ کی جانب سے کہا گیا ہے کہ فیکٹری مالکان اور سندھ حکومت کے خلاف جان لیوا حادثات ایکٹ کے تحت دعویٰ دائر کیا گیا، 21 اگست کو ایم اے جناح روڈ پر پٹاخوں کے غیر قانونی گودام میں دھماکا ہوا۔
وکیل نے کہا کہ دھماکے میں 16 سال کا سید اسد شاہ جاں بحق جبکہ سید اظفر شاہ شدید زخمی ہوا، فیکٹری اور گودام مالکان کی غفلت کے باعث درخواست گزار کا بیٹا جاں بحق ہوا۔
درخواست گزار کے وکیل کی جانب سے کہا گیا ہے کہ دھماکے کے مقدمے کے اندراج کے باوجود تاحال فیکٹری منتقل نہیں گئی ہے، حادثے کے ذمے داران ہرجانے کی مد میں 5 کروڑ 37 لاکھ روپے ادا کریں۔
