فرمان الہی
نماز کے اوقات
بالی ووڈ اداکار رنبیر کپور کو ان کی سالگرہ پر بیٹی راحا کی طرف سے ہاتھ سے لکھا ہوا کارڈ ملا ہے۔
بھارتی میڈیا کے مطابق رنبیر آج اپنی 43 ویں سالگرہ منا رہے ہیں، اس موقع پر ان کی اہلیہ عالیہ بھٹ نے اپنی بیٹی راحا کا ہاتھ سے لکھا ہوا پیارا نوٹ شیئر کیا ہے۔
عالیہ بھٹ نے اس خاص موقع پر انہیں مبارکباد دینے کے لیے اپنے انسٹاگرام اکاؤنٹ پر تصاویر کی ایک سیریز شیئر کی ہے جس میں خاص بات ان کی بیٹی راحا کپور کا ہاتھ سے لکھا ہوا خط ہے۔
ہاتھ سے لکھے ہوئے خط میں راحا نے رنبیر کو مبارکباد دی ہے اور لکھا ہے کہ دنیا کے سب سے اچھے پاپا کو سالگرہ مبارک ہو۔
ایک اور تصویر میں راحا اور رنبیر کے ہاتھ دکھائے گئے ہیں، جس میں انہوں نے سالگرہ کے کیک کا ایک ٹکڑا اٹھایا ہوا ہے۔
دریں اثناء رنبیر کپور شام میں انسٹاگرام پر بھی لائیو آئے، جہاں انہوں نے کئی مداحوں کے سوالات کے جواب دیے اور بتایا کہ انہیں اپنی بیٹی راحا کی طرف سے اپنی سالگرہ پر 43 بوسوں کا تحفہ ملا ہے۔
راحا 8 نومبر 2022ء کو اداکار رنبیر اور عالیہ کے ہاں پیدا ہوئیں، اس جوڑے نے ایان مکھرجی کی 2022ء کی فلم ’برہماسترا: پارٹ ون - شیوا‘ کی شوٹنگ کے دوران ڈیٹنگ شروع کی تھی اور اسی سال شادی کی تھی۔
رنبیر اور عالیہ نے پیدائش کے بعد راحا کا چہرہ ظاہر نہیں کیا تھا اور پاپارازیوں کے ساتھ یہ معاہدہ کیا تھا کہ وہ ان کی تصویر نہیں کھینچیں گے، تاہم انہوں نے 2023ء میں ایک تقریب میں بیٹی کا چہرہ ظاہر کیا تھا۔
