فرمان الہی
نماز کے اوقات
اسٹیٹ بینک آف پاکستان (ایس بی پی) نے الیکٹرانک بائیکس اور رکشہ اسکیم کا اعلان کر دیا۔
اسٹیٹ بینک نے بتایا کہ اسکیم کے تحت ایک لاکھ 16 ہزار الیکٹرانک بائیکس فراہم کی جائیں گی جب کہ 3 ہزار 170 رکشے اور لوڈرز فراہم کیے جائیں گے۔
اسٹیٹ بینک نے مزید بتایا کہ اسکیم کی گاڑیاں دو مرحلوں میں فراہم ہوں گی، ای بائیکس کے لیے 2 لاکھ روپے قرض دیا جائے گا، الیکٹرانک رکشے اور لوڈرز کے لیے 8 لاکھ 80 ہزار روپے قرض دیا جائے گا۔
اسٹیٹ بینک نے بتایا کہ پہلے مرحلے میں 40 ہزار ای بائیکس اور 1 ہزار ای رکشےاور لوڈرز فراہم کیے جائیں گے۔
اسٹیٹ بینک کے مطابق دوسرے مرحلے میں 76 ہزار ای بائیکس اور 2 ہزار 171 ہزار رکشے اور لوڈرز فراہم ہوں گے، ای بائیکس 25 فیصد خواتین کو فراہم کی جائیں گی، 10فیصد ای بائیکس کاروبار کرنے والے افراد اور کوریئرز کو فراہم ہوں گی، فلیٹ آپریٹرز کو 30 فیصد رکشے اور لوڈرز فراہم کیےجائیں گے، فلیٹ آپریٹرز کی اہلیت اسٹیرنگ کمیٹی طے کرے گی۔
اسٹیٹ بینک نے بتایا کہ ای بائیکس کا قرض 2 سال اور ای رکشہ قرض 3 سال کے لیے ہوگا، قرض کی پرائسنگ اسلامی اور روایتی بینک، کائیبور پلس 2.75 فیصد پر ہوگی، صارف کو قرض صفر فیصد مارک پر ملے گا۔
