فرمان الہی
نماز کے اوقات
فلپائن کے وسطی علاقوں میں گزشتہ روز 6.9 شدت کے زلزلے نے تباہی مچادی، زلزلے کے باعث مختلف حادثات میں ہلاکتوں کی تعداد 69 ہوگئی جبکہ کئی عمارتیں زمین بوس ہوگئیں۔
امریکی جیولوجیکل سروے کے مطابق زلزلہ مقامی وقت کے مطابق منگل کی رات 10 بجے شمالی جزیرے سیبو کے شہر بوگو کے قریب آیا، زلزلے کی گہرائی 10 کلو میٹر ریکارڈ کی گئی۔
میڈیا رپورٹس کے مطابق زلزلے کے باعث کئی عمارتیں زمین بوس ہوگئیں جبکہ بوگو میں 147 سے زائد زخمیوں کو اسپتال منتقل کردیا گیا ہے۔
خبر رساں اداروں کے مطابق وسطی ساحلی علاقے میں زلزلے کے بعد آفٹر شاکس بھی محسوس کئے گئے ہیں جس کے باعث لوگ اپنے گھروں سے باہر نکل آئے۔
سول ڈیفنس کے نائب سربراہ نے تصدیق کی کہ ہلاکتوں کی تعداد مسلسل بڑھ رہی ہے۔
فلپائنی حکام کا کہنا ہے کہ ملبے تلے دبے افراد کو ریسکیو کرنے کے لیے آپریشن جاری ہے، متاثرہ علاقوں میں بھاری مشینریز کی مدد بھی لی جارہی ہے۔
