فرمان الہی
نماز کے اوقات
بھارتی ٹیلی ویژن اور فلموں کی اداکارہ آہانا کومرا کو بھوج پوری اداکار و سیاستداں پون سنگھ کے فینز نے جان سے مارنے اور ریپ کی دھمکیاں دی ہیں۔
اس حوالے سے بتایا جاتا ہے کہ آہانا کو پون سنگھ پر کمنٹ کرنے کے بعد سے ریئلیٹی شو رائز اینڈ فال سے ایلیمنیٹ کروانے، جان سے مارنے اور ریپ کی دھمکیاں مل رہی ہیں۔
پون سنگھ اس سے قبل کے شو میں کنٹسٹینٹ تھے۔ اگرچہ دونوں نے بعد میں اسٹیج پر ایکدوسرے سے معذرت کرلی تھی۔ تاہم لگتا ہے کہ پون سنگھ کے پرستار آہانا کو معاف کرنے پر تیار نہیں اور انھیں سوشل میڈیا پر شو سے نکلوانے کی دھمکیاں دے رہے ہیں۔
بھارتی میڈیا اداروں کے ساتھ گفتگو کرتے ہوئے لکھنو سے تعلق رکھنے والی 40 سالہ آہانا نے کہا کہ جب میں شو سے باہر نکلی تو مجھے بہت زیادہ موت اور ریپ کی دھمکیاں ملیں۔
آہانا نے کہا میں نے ان ساری دھمکیوں کے اسکرین شوٹس شو کے مالکان کو بھجوائے، کہ مجھے دھمکیاں کیوں مل رہی ہیں؟ میں نے تو ایسی کوئی بات نہیں کہی تھی اور تو نہ کسی کو گالی دی اور نہ ہی کچھ اور کہا تھا۔
یاد رہے کہ پون سنگھ پر گزشتہ روز ہی انکی اہلیہ نے بے وفائی اور دیگر خواتین کے ساتھ تعلقات کا الزام عائد کیا ہے۔
