• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

شعبہ صحت کی مزید بہتری کیلئے ہر ممکن اقدامات جاری رکھیں گے،سلمان رفیق

میرا شہر
لاہور
15 اکتوبر ، 2025
لاہور (جنرل رپورٹر )صوبائی وزیر صحت خواجہ سلمان رفیق نے کہا ہے کہ شعبہ صحت کی مزید بہتری کیلئے ہر ممکن اقدامات جاری رکھیں گے۔ ام پینلڈ ہسپتالوں میں مریضوں کو زیادہ سے زیادہ سہولیات فراہم کی جائیں۔ خواجہ سلمان رفیق کی زیر صدارت محکمہ سپیشلائزڈ ہیلتھ کیئر اینڈ میڈیکل ایجوکیشن میں یونیورسل ہیلتھ انشورنس کے حوالہ سے اہم اجلاس منعقد ہوا۔ اجلاس میں سیکرٹری صحت پنجاب عظمت محمود خان، سپیشل سیکرٹری ڈویلپمنٹ بینش فاطمہ ساہی، سپیشل سیکرٹری آپریشنز نبیلہ عرفان، سی ای او پنجاب ہیلتھ انشی ایٹو مینجمنٹ کمپنی ڈاکٹر علی رزاق، ایڈیشنل سیکرٹری انور بریار و دیگر افسران نے شرکت کی۔ صوبائی وزیرصحت خواجہ سلمان رفیق نے یونیورسل ہیلتھ انشورنس پروگرام میں شفافیت کو یقینی، سروس کا معیاربہتربنانے اور مریضوں کی آسانی کیلئے بہترین مانیٹرنگ کی اہمیت پر زور دیا ہے۔
لاہور سے مزید