فرمان الہی
نماز کے اوقات
پاکستان آئندہ سال پہلی بار ورلڈ شیفس ایشیا فورم کی میزبانی کرے گا جس کی تقریب اسلام آباد اور لاہور میں اکتوبر 2026ء میں ہوگی۔
صدر شیفس ایسوسی ایشن آف پاکستان احمد شفیق نے جیو نیوز سے گفتگو کرتے ہوئے بتایا کہ پاکستان کے حق میں یہ فیصلہ بڑی کامیابی ہے۔
انہوں نے بتایا کہ اگلے سال ہونے والے ایونٹ کا فیصلہ چین کے شہر شوجو میں ہونے والے ورلڈ شیفس فورم 2025ء میں ہوا جس میں پاکستان اور ملائیشیا کے درمیان میزبانی کے لیے مقابلہ تھا جو پاکستان نے 21 میں سے 13 ووٹ سے جیت لیا۔
احمد شفیق نے بتایا کہ اگلے سال ایونٹ میں 21 ایشیائی ممالک اور دنیا کے دیگر نامور شیفس اور ایسوسی ایشن کے صدور پاکستان آئیں گے۔
ایونٹ کی اہمیت پر زور دیتے ہوئے انہوں نے بتایا کہ یہ ایونٹ پاکستانی شیفس کی بیرونی دنیا میں ملازمتوں کا ذریعہ بنے گا۔
انہوں نے بتایا کہ ورلڈ شیفس ایشیا پریذیڈنٹس فورم کے رکن ممالک میں چین، پاکستان، بھارت، سری لنکا، جمہوریہ کوریا، ہانگ کانگ، انڈونیشیا، جاپان، مکاؤ، ملائیشیا، کمبوڈیا، مالدیپ، منگولیا، میانمار، نیپال، سنگاپور، فلپائن، جنوبی کوریا، سری لنکا، تائیوان، تھائی لینڈ اور ویتنام شامل ہیں۔
