• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

حضرت محمدؐ کی سیرت و کردار ہمارے لیے مشعل راہ، گورنر پنجاب

میرا شہر
لاہور
24 اکتوبر ، 2025
لاہور(اپنے نامہ نگار سے)گورنر پنجاب سردار سلیم حیدر خان نے دربار گولڑہ شریف اسلام آباد میں بین الاقوامی ختم نبوت کانفرنس میں بطور مہمان خصوصی شرکت کی۔کانفرنس میں ہزاروں کی تعداد میں عاشقان رسولؐ نے شرکت کی۔اس موقع پر خطاب کرتے ہوئے گورنر پنجاب سردار سلیم حیدر خان نے کہا کہ کہ حضرت محمدؐ کی سیرت و کردار ہمارے لیے مشعل راہ ہے۔ گورنر پنجاب سردار سلیم حیدر خان نے کہا کہ پیپلز پارٹی کے بانی ذوالفقار علی بھٹو نے ختم نبوت کی قانون سازی اور قادیانیوں کو کافر قرار دے کر اپنی موت کے پروانے پر دستخط کیے۔ اُنہوں نے کہا کہ ہمارا دین اسلام محبت، بھائی چارے اور امن کا درس دیتا ہے۔گورنر پنجاب نے کہا کہ اسلامی لبادہ اوڑھ کر مار دھاڑ کرنا اور مسلمان بھائیوں کو جانی نقصان پہنچانا اسلام اس کی اجازت نہیں دیتا۔
لاہور سے مزید