فرمان الہی
نماز کے اوقات
کراچی (نیوز ڈیسک)نئی تحقیق کے مطابق ہاتھ سے لکھنا ٹائپنگ کے مقابلے میں دماغ کو زیادہ فعال کرتا ہے، اطالوی ماہرین نے بتایا کہ ہینڈ رائٹنگ سے دماغ کے یادداشت، حرکت اور تخلیقی حصے زیادہ سرگرم ہوتے ہیں، ٹائپنگ میں محدود موٹر عمل سے دماغی شمولیت اور حسی فیڈ بیک کم،ہاتھ سے نوٹس پر طلبا بہتر یاد رکھتے ہیں۔ تحقیق میں تعلیمی اداروں کو تجویز دی گئی ہے کہ ڈیجیٹل تعلیم کے ساتھ ہاتھ سے لکھنے کی مشق کو بھی شامل کیا جائے۔یورپین میڈیکل جرنل میں شائع رپورٹ میں بتایا گیا ہے کہ ایک نئی اطالوی تحقیق کے مطابق ہاتھ سے لکھنا ٹائپنگ کے مقابلے میں دماغ کو زیادہ فعال کرتا ہے اور یادداشت، توجہ اور تخلیقی صلاحیتوں کو مضبوط بناتا ہے۔ روم کی کیتھولک یونیورسٹی آف دی سیکرڈ ہارٹ کے محقق جوسیپے مارانو اور ان کی ٹیم نے نیورولوجیکل مطالعات کا تجزیہ کرتے ہوئے پایا کہ ہاتھ سے لکھنے کے دوران دماغ کے وہ حصے زیادہ سرگرم ہو جاتے ہیں جو حرکت، احساس اور یادداشت سے تعلق رکھتے ہیں۔
