فرمان الہی
نماز کے اوقات
اسرائیل کی تاریخ میں سب سے زیادہ عرصے حکمران رہنے والے وزیراعظم نیتن یاہو پارلیمنٹ میں اکثریت سے محروم ہوچکے ہیں۔
غیرملکی میڈیا کے مطابق غزہ کے حوالے سے امریکی دباؤ میں امن معاہدہ قبول کرنے والے نیتن یاہو کی تمام تر توجہ اب اگلے انتخابات پر مرکوز ہے۔
اسرائیلی سیاسی تاریخ میں دائیں بازو کے سب سے بڑے اتحاد کے بل بوتے پر حکمرانی کرنے والے نیتن یاہو رواں سال جولائی میں آرتھوڈوکس پارٹی کے اتحاد سے نکل جانے کے بعد اکثریت کھوچکے ہیں اور اب ان کے اتحادی غزہ میں امریکی دباؤ پر جنگ بندی قبول کرنے کی وجہ سے ناراض ہیں۔
انکے اتحادی غزہ معاہدے کے باوجود ان پر مسلسل دباؤ ڈال رہے ہیں کہ وہ غزہ کو اپنے کنٹرول میں رکھتے ہوئے مزاحمتی تحریک کو مزید کچلیں۔
موجودہ اسرائیلی حکومت کو اس وقت اسرائیلی پارلیمنٹ میں 120 سیٹوں میں سے 60 سیٹیں حاصل ہیں یعنی واضح طور پر اکثریت میں نہیں رہے۔
انتہائی دائیں بازو سے تعلق رکھنے والے اسرائیلی حکومت میں شامل اتحادی حکومت چھوڑ بھی نہیں رہے اور ساتھ ہی مزید سیاسی فائدوں کے حصول کے لیے بھاری قیمتیں بھی وصول کرنا چا ہتے ہیں۔
تجزیہ کاروں کی رائے ہے کہ اسرائیلی وزیرِاعظم اس وقت خود بھی اتحاد کو لمبے عرصے تک گھسیٹنے کے حق میں نہیں ہیں، وہ یہی سوچ رہے ہونگے اگلے انتخابات میں دوبارہ کامیابی حاصل کرکے کے ایک بار پھر وزیراعظم بنے کی پوزیشن میں آجائیں۔
