فرمان الہی
نماز کے اوقات
بھارتی ریاست اتر پردیش کے ضلع چترکوٹ کی عدالت نے کمسن بچوں کی غیر قانونی ویڈیوز بنانے اور ڈارک ویب پر فروخت کرنے کے کیس میں میاں بیوی کو سزائے موت سنا دی۔
بھارتی میڈیا کے مطابق خصوصی عدالت نے مجرمان کے خلاف فیصلہ طویل سماعت کے بعد سنایا، عدالت نے متاثرہ بچوں کے خاندانوں کو فی کس 10 لاکھ روپے معاوضہ دینے کا حکم بھی دیا۔
کیس کی تحقیقات سی بی آئی نے کی، جس نے 2020 میں ملزمان کو گرفتار کیا تھا، تفتیش کے مطابق ملزمان 5 سے 16 سال کے بچوں کو ورغلا کر ان پر تشدد کرتے اور ویڈیوز بنا کر خفیہ آن لائن پلیٹ فارمز کے ذریعے فروخت کرتے تھے۔
مجرمان کے گھر کی تلاشی میں بڑی مقدار میں الیکٹرانک ڈیوائسز اور غیر قانونی مواد ملا جبکہ ابتدائی تحقیقات میں 33 متاثرہ بچوں کی شناخت ہوئی۔
