فرمان الہی
نماز کے اوقات
جنوبی کوریا کی ڈیفنس انٹیلی جنس ایجنسی نے دعویٰ کیا ہے کہ اگر کم جونگ اُن فیصلہ کر لیتے ہیں تو شمالی کوریا جلد ہی جوہری تجربہ کر سکتا ہے۔
جنوبی کوریا کی خبر ایجنسی یون ہیپ نے ڈیفنس انٹیلی جنس ایجنسی کا حوالہ دیتے ہوئے رپورٹ میں بتایا ہے کہ شمالی کوریا کے سربراہ کم جونگ اُن اگر فیصلہ کرتے ہیں تو شمالی کوریا کچھ ہی عرصے میں ملک کی پنگ گائی ری جوہری تجربہ گاہ میں جوہری تجربہ کرسکتا ہے۔
رپورٹ میں یہ بھی بتایا گیا ہے کہ شمالی کوریا روس کی تکنیکی مدد سے اضافی جاسوس سیٹلائٹ لانچ کرنے کی تیاری بھی کرتا نظر آ رہا ہے تاکہ وہ موجودہ جاسوس سیٹلائٹس سے بہتر صلاحیت رکھنے والے جاسوس سیٹلائٹس حاصل کر سکے۔
واضح رہے کہ شمالی کوریا اب تک 6 دفعہ جوہری تجربہ کر چکا ہے اور آخری جوہری تجربہ 2017ء میں کیا تھا۔
