• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

بحری جہازوں کو پہلے آئیں پہلے پائیں کے اصول پر برتھ ملے گی، وزیر بحری امور

آج کا اخبار
اہم خبریں
09 نومبر ، 2025
اسلام آباد ( نمائندہ خصوصی)وزارت بحری امور کے اعلی سطح کے اجلاس میں اتفاق کیاگیا کہ پورٹ قاسم اور کراچی پورٹ پر تمام بحری جہازوں کو سختی سے پہلے آئیں پہلے پائیں کی بنیاد پر برتھ  ملے گی،شوگر کی کھیپوں کی سست ان لوڈنگ کی وجہ سے شدید رش کی رپورٹس کے بعد پورٹ قاسم پر شوگر اور سیمنٹ کی ہینڈلنگ آپریشنز کو ہموار کرنے کے اقدامات شروع کر دیئے ہیں۔یہاں موصول ہونے والی پریس ریلیز کے مطابق وفاقی وزیر برائے بحری امور محمد جنید انور چوہدری کی زیر صدارت  اعلیٰ سطح اجلاس  نے   برآمداتی سرگرمیوں، خاص طور پر سیمنٹ اور کلنکر کی ترسیل پر اثرات کا جائزہ لیا  اور اہم فیصلوں کی منظوری دی  ۔اجلاس میں سیکرٹری بحری امور سید ظفر علی شاہ، سیکرٹری کامرس جواد پال، چیئرمین پورٹ قاسم اتھارٹی ریئر ایڈمرل (ر) سید معظم الیاس، قائم مقام چیئرمین کراچی پورٹ ٹرسٹ ریئر ایڈمرل عتیق الرحمٰن، ٹریڈنگ کارپوریشن آف پاکستان (ٹی سی پی) کے چیف ایگزیکٹو آفیسر سید رفیع بشیر شاہ، ٹیکنیکل ایڈوائزر بحری امور کمانڈر (ر) محمد جواد اختر اور عارف حبیب کی قیادت میں سیمنٹ ایکسپورٹرز ایسوسی ایشن کے نمائندوں سمیت سینئر افسران نے شرکت کی۔
اہم خبریں سے مزید