فرمان الہی
نماز کے اوقات
بھارت سے مسافر کی چلتی ہوئی ٹرین میں نہاتے ہوئے ایک چونکا دینے والی ویڈیو سوشل میڈیا پر وائرل ہوگئی۔
سوشل میڈیا پر وائرل ویڈیو میں ایک مسافر کو ٹرین کوچ کی راہداری میں بہت خوشگوار موڈ میں نہاتے ہوئے دیکھا جا سکتا ہے جبکہ پاس کھڑا دوسرا مسافر اس کی ویڈیو بنا رہا ہے۔
اس ویڈیو کے سوشل میڈیا پر وائرل ہونے اور صارفین کی جانب سے شدید ردِعمل سامنے آنے کے بعد ریلوے حکام نے فوری طور ایکشن لیا اور اس نامناسب اقدام کے خلاف قانونی کارروائی کی جو دوسرے مسافروں کے لیے تکلیف کا باعث بنا۔
بھارتی میڈیا کی رپورٹ کے مطابق ویڈیو میں موجود شخص کی شناخت پر مود شریواس کے طور پر کی گئی ہے۔
رپورٹ میں مزید بتایا گیا کہ قانونی کارروائی کے دوران ملزم نے اعتراف کیا کہ اس نے یہ حرکت سوشل میڈیا ریل بنا کر مقبولیت حاصل کرنے کے لیے کی۔
ریلوے حکام نے مسافروں پر زور دیا کہ وہ اس طرح کے اسٹنٹس یا ریلز بنانے کے لیے ٹرین کا غلط استعمال نہ کریں۔
ریلوے حکام نے مزید کہا کہ اس طرح کے اقدامات ساتھی مسافروں کے لیے پریشانی کا باعث بنتے ہیں اور یہ عوامی املاک کی بے عزتی کرنے کے مترادف بھی ہے۔
