فرمان الہی
نماز کے اوقات
پاکستان شوبز انڈسٹری سے تعلق رکھنے والے معروف اداکار و گلوکار عاصم اظہر کے کنسرٹ میں ان کی سابقہ منگیتر کی انٹری پر سوشل میڈیا صارفین دنگ رہ گئے۔
سوشل میڈیا پر ان کے کنسرٹ کی ویڈیو وائرل ہوئی تو گلوکار بھی خاموش نہ رہ سکے اور وائرل ویڈیو کی حقیقت بتا دی۔
ان دنوں عاصم اظہر ملک بھر کے مختلف شہروں میں منعقدہ کنسرٹس میں مصروف ہیں۔ ایسے میں سوشل میڈیا پر ایک ویڈیو تیزی سے وائرل ہو رہی ہے۔
مذکورہ وائرل ویڈیو میں عاصم اظہر کو ’دوستی ایسا ناتا‘ پر پرفارم کرتے ہوئے دیکھا جاسکتا ہے جبکہ شائقین میں ان کی سابقہ منگیتر و اداکارہ میرب علی بھی موجود کنسرٹ سے لطف اندوز ہو رہی تھیں۔
وائرل ویڈیو سے متعلق مختلف سوشل میڈیا پیجز نے دعویٰ کیا کہ یہ حالیہ ویڈیو ہے، جس کے بعد قیاس آرائیاں کی جانے لگیں کہ ہانیہ کے بعد میرب اور عاصم اظہر کا پیچ اپ ہوگیا۔
تاہم اب گلوکار نے اس حوالے سے لب کشائی کر دی اور وائرل ویڈیو کو پرانی قرار دیتے ہوئے گمراہ کُن خبر پر تشویش کا اظہار بھی کردیا۔
فوٹوز اینڈ ویڈیوز شیئرنگ پلیٹ فارم انسٹاگرام پر اسٹوری شیئر کرتے ہوئے عاصم اظہر نے لکھا کہ احترام کے ساتھ میں چند شوبز پیجز سے مخاطب ہونا چاہتے ہوں جو پرانی ویڈیوز پوسٹ کر کے عوام کو گمراہ کر رہے ہیں۔ میں صحافت کے نام پر بہتر رپورٹنگ کی توقع کرتا ہوں۔
انہوں نے لکھا کہ ان شوبز پیجز کے مجموعی طور پر لاکھوں فالوورز ہیں، یقیناً ان کی ذمہ داری بنتی ہے کہ درست معلومات اور سیاق و سباق پیش کریں۔
انہوں نے مزید لکھا کہ براہِ کرم بغیر سیاق و سباق کے پرانی ویڈیوز شیئر نہ کریں، پہلے کچھ تحقیق کرلیں اور اگر یہ جان بوجھ کر کیا گیا ہے صرف لائکس یا ویوز کی خاطر تو پھر اللّٰہ ہی حافظ ہے۔
عاصم اظہر نے طنزیہ انداز میں یہ بھی کہا کہ ایسا نہیں ہے کیا کہ میں پہلے ہی کافی کانٹینٹ فراہم کر چکا ہوں؟، تو پھر اس کا مقصد کیا تھا؟
