فرمان الہی
نماز کے اوقات
امن و امان کی صورتحال کے پیش نظر اڈیالہ جیل کے اطراف سیکیورٹی ہائی الرٹ کردی گئی۔ اضافی سیکیورٹی کے لیے خصوصی سیکیورٹی پلان جاری کیا گیا ہے۔
پولیس ذرائع کے مطابق اڈیالہ جیل روڈ پر 5 اضافی پکٹس قائم کردی گئی ہیں، داہگل ناکہ، گیٹ ون، گیٹ 5، فیکٹری ناکہ اور گورکھ پور پر اضافی نفری تعینات رہے گی۔
پولیس ذرائع کے مطابق پولیس افسران اور اہلکاروں کی ڈیوٹی 12، 12 گھنٹے کی دو شفٹوں میں تقسیم کی گئی ہے، 12 تھانوں کے ایس ایچ اوز اور خواتین پولیس اہلکار بھی تعینات رہیں گی۔
پولیس حکام کے مطابق مجموعی طور پر اڈیالہ جیل کی بیرونی سیکیورٹی پر 700 سے زائد اہلکار و افسر تعینات رہیں گے، سیکیورٹی پر مامور اہلکار اینٹی رائٹ سامان سے لیس ہوں گے۔
پولیس ذرائع کا کہنا ہے کہ ڈیوٹی کی براہ راست نگرانی ایس پی صدر انعم شیر کریں گی جبکہ اڈیالہ گارڈز کی نفری کو اسٹینڈ بائی رکھا جائے گا۔
