فرمان الہی
نماز کے اوقات
35 ویں نیشنل گیمز کے ریسلنگ ایونٹ کے نتائج سامنے آ گئے، کامن ویلتھ گولڈ میڈلسٹ انعام بٹ نے گولڈ میڈل جیت لیا۔
انعام بٹ نے ریکارڈ 18 مرتبہ نیشنل چیمپئن بننے کا اعزاز حاصل کیا ہے، پاکستان آرمی کے نعمان ذکاء نے سلور میڈل جیتا، پنجاب کے رانا فیضان اور ریلوے کے حیدر علی برانز میڈلسٹ رہے۔
57 کے جی میں واپڈا کے جنید خان نے گولڈ میڈل اپنے نام کیا، پنجاب کے فراز خان نے چاندی اور آرمی کے صابر علی نے کانسی کا تمغہ جیتا۔
70 کے جی میں پنجاب کے عبداللّٰہ نے گولڈ میڈل جیتا، 79 کے جی کیٹگری میں آرمی کے اسد اللّٰہ نے گولڈ میڈل جیتا۔
ریسلنگ ایونٹ کے پہلے روز واپڈا نے 2، آرمی اور پنجاب نے 1، 1 گولڈ میڈل جیتا۔
گیمز کے دیگر مقابلوں میں پاکستان آرمی، نیوی اور پاکستان ایئر فورس کی ٹیمیں نیشنل گیمز فٹ بال کے سیمی فائنل میں پہنچ گئیں۔
ایونٹ کے سیمی فائنل مقابلے 10 دسمبر کو جبکہ فائنل 12 دسمبر کو کھیلا جائے گا۔
کے پی ٹی اسٹیڈیم کراچی میں پاکستان نیوی اور سندھ کی ٹیموں کے درمیان میچ ایک ایک گول سے برابر رہا۔
پاکستان نیوی کی طرف سے نعمان نے اور سندھ کی طرف سے وسیم نے 1، 1 گول کیا۔
نیشنل گیمز کے خواتین کے سوئمنگ مقابلوں کے پہلے روز پاکستان آرمی کی پیراکوں نے 5 گولڈ میڈلز جیت کر برتری حاصل کر لی جبکہ سندھ نے 1 گولڈ میڈل جیتا، آرمی کی جہاں آراء نبی اور بسمہ خان نے 2، 2 گولڈ میڈلز جیتے۔
کے ایم سی اسپورٹس کمپلیکس کے سوئمنگ پول میں گزشتہ روز مقابلوں کا آغاز خواتین ایونٹ سے ہوا جس میں پاکستان آرمی نے 5 گولڈ اور 1 برانز میڈل جیت کر میڈل ٹیبل پر پہلی پوزیشن حاصل کی جبکہ سندھ نے 1 گولڈ اور 3 سلور میڈلز کے ساتھ دوسری پوزیشن حاصل کی۔
