فرمان الہی
نماز کے اوقات
کراچی(نیوز ڈیسک)وندے ماترم کے الفاظ شرکیہ، مسلمان ایک اللہ کی عبادت کرتا ہے، صدر جمعیت علمائے ہند،بھارتی آئین کے تحت کسی شہری کو مذہبی عقیدے کیخلاف کسی گیت یا نظریہ کو اپنانے پر مجبور نہیں کیا جاسکتا،جمعیت علمائے ہند(الف) کے صدر اور دارالعلوم دیوبند کے صدر المدرسین مولانا ارشد مدنی نےکہا ہےکہ ہمیں کسی کے وندے ماترم گانے اور پڑھنے پر اعتراض نہیں، مگر مسلمان صرف ایک اللہ کی عبادت کرتا ہے اور اس عبادت میں کسی دوسرے کو شریک نہیں کرسکتا۔سوشل میڈیا پر جاری بیان میں جمعیت علمائے ہند کے صدر مولانا ارشد مدنی کا کہنا تھا کہ وندے ماترم نظم کے الفاظ شرکیہ عقائد وافکار پر مبنی ہیں، بالخصوص اس کے چار اشعار میں واضح طورپر وطن کو دُرگاما تا’سے تشبیہ دے کر اس کی عبادت کے لیے الفاظ استعمال کیےگئے ہیں جو کسی بھی مسلمان کے بنیادی عقیدے اور ایمان کے خلاف ہے۔
