فرمان الہی
نماز کے اوقات
غزہ کے محکمہ صحت نے خبردار کیا ہے کہ غزہ میں جنگ بندی کے باوجود انسانی امداد کی رسائی ضرورت کے مطابق نہیں۔
عرب میڈیا کے مطابق غزہ کے محکمہ صحت نے کہا ہے کہ اسرائیلی پابندیوں کے سبب غزہ میں ادویات کی خطرناک حد تک قلت ہوگئی ہے۔
محکمہ صحت کا کہنا ہے کہ زیادہ تر ایمرجنسی سروسز میں جان بچانے والی ادویات کی قلت ہوئی ہے جس سے سنگین مسائل پیدا ہورہے ہیں۔
دوسری جانب اسرائیلی قید سے 6 فلسطینی قیدی دیرالبلح کے اسپتال پہنچ گئے، 10 ہزار سے زائد فلسطینی قیدی اب بھی اسرائیلی جیلوں میں قید ہیں۔
غیرملکی میڈیا کے مطابق مغربی کنارے میں آج اسرائیل فوج نے ایک فلسطینی نوجوان کو شہید کردیا۔
امریکی نشریاتی ادارے کے مطابق 16 سال کے ریان محمد کو اسرائیلی اہلکاروں نے نزدیک سے گولی ماری۔
