فرمان الہی
نماز کے اوقات
اپوزیشن جماعت پاکستان تحریک انصاف (پی ٹی آئی) نے وزیراعظم کی مذاکرات کی پیشکش کو مسترد کردیا ہے۔
میڈیا سے گفتگو میں پی ٹی آئی ترجمان شیخ وقاص اکرم نے کہا ہے کہ حکومت مذاکرات کو ایک دوغلے پن اور عوام کو بیوقوف بنانے کےلیے استعمال کر رہی ہے۔
انہوں نے کہا کہ پی ٹی آئی سے معافی مانگنے کا مطالبہ حکومت کی سیاسی گھبراہٹ اور فکری دیوالیہ پن ہے، حکمرانوں کو پیشگی شرائط پر مبنی بات چیت کا مطالبہ نہیں کرنا چاہیے۔
شیخ وقاص اکرم نے مزید کہا کہ حکومت کا انداز سیاسی گھبراہٹ اور فکری دیوالیہ پن کی علامت ہے، پارٹی حکومت سے بات چیت میں شامل نہیں ہوگی۔
اس سے قبل پشاور میں جیو نیوز سے گفتگو میں شیخ وقاص نے وزیراعظم شہباز شریف کی مذاکرات کی پیشکش پر ردعمل دیا تھا۔
انہوں نے کہا کہ وزیراعظم کے پاس اختیار ہی نہیں تو بات چیت کی ضرورت کیا ہے؟ پی ٹی آئی حکومت سے بات چیت میں شامل نہیں ہوگی۔
دوسری طرف یہ اطلاعات ہیں کہ وزیراعظم کی پیشکش پر مذاکرات سے متعلق جواب تحریک تحفظ آئین پاکستان کے رہنما محمود خان اچکزئی اور علامہ راجا ناصر عباس آج جواب دیں گے۔
