• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

اسٹیٹ آف دی آرٹ آٹزم اسکول کی تعمیر کا کام 14ماہ قبل مکمل

میرا شہر
لاہور
27 دسمبر ، 2025
لاہور (خصوصی رپورٹر) وزیرِ اعلیٰ پنجاب کے خصوصی منصوبے کے تحت لاہور میں اسٹیٹ آف دی آرٹ آٹزم اسکول کی تعمیر کا کام مقررہ مدت سے قبل 14 ماہ میں مکمل کر لیا گیا ہے۔ اس اہم منصوبے کا صوبائی وزیر تعمیرات و مواصلات ملک صہیب احمد بھرتھ نے اچانک دورہ کر کے معائنہ کیا۔ اس موقع پر اسپیشل اسسٹنٹ برائے اسپیشل ایجوکیشن ایم پی اے ثانیہ عاشق، سیکرٹری اسپیشل ایجوکیشن، محکمہ بلڈنگز کے افسران اور دیگر متعلقہ حکام بھی ہمراہ موجود تھے۔ محکمہ بلڈنگز کے افسران نے صوبائی وزیر کو منصوبے کی تکمیل، معیارِ تعمیر اور سہولیات سے متعلق تفصیلی بریفنگ دی۔ صوبائی وزیر نے آٹزم اسکول میں جاری کام کے معیار کا بغور جائزہ لیا اور مجموعی طور پر کام پر اطمینان کا اظہار کیا۔
لاہور سے مزید