• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

جنرل ہسپتال نے PHC کے SOPs پر عمل کر کے آپریشنل لائسنس حاصل کر لیا

میرا شہر
لاہور
27 دسمبر ، 2025
لاہور (جنرل رپورٹر) جنرل ہسپتال نے پنجاب ہیلتھ کیئر کمیشن (PHC) کے تمام وضع کردہ معیارات اور ایس او پیز (SOPs) پر پورا اترتے ہوئے باقاعدہ آپریشنل لائسنس حاصل کر لیا، یہ سنگِ میل ادارے کی ایک شاندار کامیابی اور پیشہ ورانہ معیار کا عکاس ہے۔اس موقع پر پرنسپل امیر الدین میڈیکل کالج پروفیسر ڈاکٹر فاروق افضل نے ایم ایس ڈاکٹر فریاد حسین کے ہمراہ تمام ڈاکٹروں، نرسوں اور پیرامیڈیکل سٹاف کو مبارکباد دیتے ہوئے کہا کہ لائسنس کا اجرا ہسپتال کے عملے کی پیشہ ورانہ محنت اور لگن کا نتیجہ ہے اور یہ لائسنس جنرل ہسپتال کی ساکھ میں مزید اضافہ کا باعث بنے گا۔ انہوں نے مزید کہا کہ وزیر اعلیٰ پنجاب مریم نواز شریف کے ویژن کے مطابق مریضوں کو اسٹیٹ آف دی آرٹ اور معیاری طبی سہولتیں (کوالٹی ہیلتھ کیئر) فراہم کرنا ہماری اولین ترجیح ہے۔
لاہور سے مزید