فرمان الہی
نماز کے اوقات
دنیا بھر میں موسیقی کے شائقین کے لیے ایک عہد اختتام کو پہنچ گیا، ایم ٹی وی (MTV) نے اپنے 24 گھنٹے میوزک پر مبنی آخری چینلز بند کر دیے۔
اس اقدام کے ساتھ ہی 1981 میں شروع ہونے والا ایم ٹی وی کا خالص میوزک دور باضابطہ طور پر ختم ہوگیا، یہ بندش 31 دسمبر 2025 کو عمل میں آئی، جب ایم ٹی وی کے موجودہ ڈسٹری بیوشن معاہدے کی مدت ختم ہو گئی، اس کے بعد دنیا بھر میں ایم ٹی وی کا کوئی بھی میوزک اونلی چینل آن ایئر نہیں رہا۔
اس فیصلے کے تحت متعدد مقبول چینلز بند کر دیے گئے، جس میں ایم ٹی وی میوزک، ایم ٹی وی 80s، ایم ٹی وی 90s، ایم ٹی وی 00s، کلب ایم ٹی وی اور ایم ٹی وی لائیو شامل ہیں۔ یہ چینلز برطانیہ، برازیل، آسٹریلیا، یورپ اور دیگر کئی خطوں میں نشر ہو رہے تھے۔
ایم ٹی وی کی جانب سے اس فیصلے کا اعلان اکتوبر میں کیا گیا تھا، یہ اقدام پیراماؤنٹ اسکائی ڈانس انضمام کے بعد اخراجات کم کرنے کی پالیسی کا حصہ بتایا جا رہا ہے، تاہم ایم ٹی وی کا مرکزی چینل بدستور کام کرتا رہے گا، جس میں اب زیادہ تر ریئلٹی شوز اور پاپ کلچر سے متعلق پروگرام نشر کیے جائیں گے۔
چینلز کی بندش کے موقع پر ہر چینل نے ایک مخصوص گانے کے ساتھ نشریات کا اختتام کیا، جس نے ناظرین کو جذباتی کر دیا، ایم ٹی وی میوزک نے وہی گانا نشر کیا جس سے ایم ٹی وی کا آغاز ہوا تھا۔
