• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

100لفظوں کی کہانی

مبشر علی زیدی
آج کا اخبار
ادارتی صفحہ
19 جنوری ، 2026

مظاہرہ ……

کل شام مجھے اسپتال جانا پڑا۔

بازوں اور ٹانگوں کے علاوہ ایک گال سے بھی خون بہہ رہا تھا۔

کیا واقعہ پیش آیا؟

نرس نے ایمرجنسی میں مرہم پٹی کرتے ہوئے دریافت کیا،

میری بلی نے غیر متوقع طور پر مجھ پر حملہ کیا، میں نے بتایا۔

واقعی؟ گھر کی بلیاں تو مالک پر حملہ نہیں کرتیں،

نرس حیران رہ گئی۔

لیکن یہ سچ ہے، میں بلبلایا۔

بلی کس بات پر خفا ہوئی؟ نرس نے جاننا چاہا۔

میں نے بتایا،

میں نے ٹی وی دیکھتے ہوئے ایران میں مظاہروں پر تبصرہ کیا تھا۔

وہ میری پرشین کیٹ کو پسند نہیں آیا۔

تازہ ترین