فرمان الہی
نماز کے اوقات
پاکستان کے معروف ٹی وی اور فلمی اداکار فیصل رحمان نے حال ہی میں وائرل ہونے والی اپنی ویڈیو پر وضاحت کی ہے۔
فیصل رحمان کو ان کی شوخ شخصیت، مضبوط سوشل میڈیا موجودگی اور منفرد مواد تخلیق کرنے کی وجہ سے نوجوانی سے شہرت حاصل رہی ہے، انہوں نے متعدد فلموں اور ٹی وی ڈراموں میں یادگار کردار ادا کیے ہیں۔
حال ہی میں فیصل رحمان نے ایک ٹاک شو میں شرکت کی، جہاں انہوں نے اپنی وائرل باتھ ویڈیو کے تنازع پر کھل کر بات کی۔
فیصل رحمان نے کہا کہ آج کل میں سوشل میڈیا پر کافی سرگرم ہوں اور تقریباً ہر چیز پوسٹ کرتا ہوں، ہاں میں نے لندن میں اپنی باتھ ویڈیو شیئر کی تھی، یہ صرف دوستوں کو ایک ورزش کی ٹپ دینے کے لیے تھی، میں نے بتایا تھا کہ اگر آپ ہیئر موئسچرائزر پیر پر لگائیں تو یہ سردیوں میں خشک ہونے سے بچاتا ہے، کچھ لوگوں کو یہ پسند آیا اور کچھ نے تنقید کی، میں نے صرف ایک ونٹر ٹپ شیئر کی تھی۔
