فرمان الہی
نماز کے اوقات
ایک حالیہ تحقیق کے مطابق موسم سرما میں وٹامن ڈی کی روزانہ ڈوز فلو سے بچاؤ میں مددگار ثابت ہو سکتی ہے۔ اس حوالے سے نئی تحقیق میں یہ بات سامنے آئی کہ موسم سرما کے دوران وٹامن ڈی کے سپلیمنٹس لینے سے فلو سے محفوظ رہنے میں کافی مدد مل سکتی ہے۔
برطانیہ کے سائنسدانوں نے تحقیق سے یہ پتہ لگایا کہ شدید وٹامن ڈی کی کمی والے افراد میں سانس کے انفیکشن کی وجہ سے اسپتال میں داخل ہونے کا امکان ان لوگوں سے 33 فیصد زیادہ پایا گیا جن میں وٹامن ڈی کی مناسب سطح موجود تھی۔
یہ ریسرچ امریکن جرنل آف کلینیکل نیوٹریشن میں شائع ہوئی ہے، جس میں لوگوں کو مشورہ دیا گیا کہ وٹامن ڈی کی مناسب مقدار کو یقینی بنانا سانس کی نالی کے انفیکشن کے باعث اسپتال میں داخل ہونے کی شرح پر مجموعی سطح پر اہم اثر ڈال سکتا ہے۔
سائنسدانوں نے کہا کسی بھی نسلی آبادی جس میں وٹامن ڈی کی کمی زیادہ ہو، اسے حفاظتی ڈوز کے بارے میں معلومات پہنچانے کو ہدف بنایا جانا چاہیے۔ برطانیہ میں سورج کی روشنی کا وٹامن جو واحد سپلیمنٹ ہے جسے این ایچ ایس ہر کسی کو روزانہ خزاں اور سردیوں کے دوران لینے کی سفارش کرتا ہے۔
انھوں نے کہا جن میں وٹامن ڈی کی کمی زیادہ ہوتی ہے جیسے کمسن بچے اور سیاہ رنگ کی جلد والے افراد انہیں پورے سال روزانہ سپلیمنٹ لینا چاہیے۔ وٹامن ڈی جسم میں کیلشیم اور فاسفیٹ کی مقدار کو منظم کرنے میں مدد کرتا ہے، جس سے ہڈیاں، دانت اور پٹھے صحت مند رہتے ہیں۔
وہ افراد جن میں وٹامن ڈی کی مناسب سطح موجود نہ ہو تو انھیں نہ صرف ہڈیوں میں درد (جسے اوسٹیومالیشیا کہا جاتا ہے) بلکہ شدید انفیکشنز جیسے فلو بھی لاحق ہوسکتا ہے۔
نوٹ: یہ مضمون قارئین کی معلومات کیلئے شائع کیا گیا ہے۔ صحت سے متعلق امور میں اپنے معالج کے مشورے پر عمل کریں۔
