فرمان الہی
نماز کے اوقات
تمباکو نوشی شروع کرنے کی عمر اس بات سے زیادہ اہم کیوں ہے کہ آپ کتنا سگریٹ پیتے ہیں؟
اس کی وجہ یہ ہے کہ ایک گروہ کے کسی بھی فرد میں دل کی بیماری کے شواہد موجود نہیں تھے اور نہ ہی وہ پہلے کبھی فالج کا شکار ہوئے تھے، لیکن ان میں سے تقریباً 37 لاکھ افراد سگریٹ نوش تھے۔
اس گروپ میں سے تقریباً ایک چوتھائی نے 20 سال کی عمر کو پہنچنے سے پہلے سگریٹ نوشی شروع کی تھی، جبکہ دو فیصد نے 15 سال کی عمر سے پہلے سگریٹ پینا شروع کر دی تھی۔ بعد ازاں محققین نے ڈیٹا کا جائزہ لیا تاکہ یہ دیکھا جا سکے کہ کن افراد کو دل کا دورہ پڑا، فالج ہوا، یا کسی بھی وجہ سے موت واقع ہوئی۔
ان رجحانات کا جائزہ لینے سے معلوم ہوا کہ سب سے زیادہ خطرات ان افراد میں دیکھا گیا جنہوں نے 20 سال کی عمر سے قبل سگریٹ نوشی شروع کی اور بہت زیادہ سگریٹ پیتے رہے، جس میں سال میں 20 سے زیادہ پیکٹ سگریٹ پینا شامل ہے۔
یہاں تک کہ وہ لوگ بھی جو ماضی میں زیادہ سگریٹ پیتے تھے لیکن بعد میں چھوڑ چکے ہیں، وہ بھی زیادہ خطرے میں رہے۔ جب ان کا موازنہ ان افراد سے کیا گیا جو سگریٹ نوشی نہیں کرتے تو اس گروپ میں دل کے دورے کا خطرہ دو گنا سے بھی زیادہ تھا، جبکہ فالج کا خطرہ تقریباً 80 فیصد زیادہ پایا گیا۔
تحقیقی ٹیم کے سربراہ جونگ ہون کو نے کہا کہ ہمیں امید ہے کہ اس تحقیق سے نوجوانوں میں انسداد تمباکو نوشی سے متعلق زیادہ معلومات ملیں گی۔
ابتدائی عمر میں تمباکو نوشی کا آغاز اس نقصان دہ سماجی رویّے کی زیادہ مضبوط لت کے امکان کی نشاندہی کر سکتا ہے۔ ان نتائج کے مطابق تحقیق سے پتہ چلتا ہے کہ تمباکو نوشی کے قلبی امراض کے آغاز پر اثرات عمر اور شدت پر منحصر ہوتے ہیں۔
