فرمان الہی
نماز کے اوقات
اکثر و بیشتر اپنے بیانات کے سبب تنازعات میں گھری رہنے والی پاکستانی اداکارہ و میزبان ندا یاسر ایک بار پھر سوشل میڈیا کی توجہ کا مرکز بن گئیں۔
حال ہی میں انسٹاگرام پر 26 لاکھ فالوورز رکھنے والی میزبان نے ساتھی فنکار عمر عالم کی شیندی میں شرکت کی۔
تقریباً 18 برس سے مارننگ شو کی میزبانی کرنے والی ندا یاسر نے اس موقع پر سیاہ و سنہری امتزاج کے جوڑے کا انتخاب کیا، تاہم ندا یاسر اس وقت وائرل ہوئیں جب سوشل میڈیا صارفین نے ان کی وِگ پر بحث شروع کر دی۔
متعدد صارفین کا دعویٰ ہے کہ وہ حالیہ شادی کی تقریبات میں وِگ استعمال کر رہی ہیں۔
عمر عالم کی شیندی کی ایک ویڈیو سوشل میڈیا پر گردش کر رہی ہے، جس میں یاسر حسین اور یاسر نواز ندا یاسر کو سالگرہ کی مبارکباد دیتے نظر آ رہے ہیں۔
ویڈیو میں ندا یاسر کا ہیئر اسٹائل مختلف دکھائی دینے کے بعد کئی صارفین نے یہ دعویٰ کیا ہے کہ وہ مصنوعی بالوں کا استعمال کر رہی ہیں۔
اسی تقریب کی ندا یاسر اور یاسر نواز کی ایک اور ویڈیو بھی آن لائن سامنے آئی، جس کے بعد بحث مزید تیز ہو گئی۔
