فرمان الہی
نماز کے اوقات
سرنگ……
ایک ایسے ملک میں جہاں غربت اور بے روزگاری ہو،
دہشت گردی، فرقہ واریت، بگاڑ، انتشار ہو،
خیر کی بھلا کیا امید؟مجو کے لہجے میں مایوسی تھی۔
چند ساعت پراسرارچپ چھائی رہی۔ پھر میں نے پوچھا۔
کیا لاہور اور کراچی میں بک فیئر ہورہے ہیں؟
مجو چونکا۔ ہاں، ہو تو رہے ہیں۔
اور اسلام آباد، پشاور، کوئٹہ میں فیسٹیولز، سیمینار،
ادبی تقریبات منعقد کی جارہی ہیں؟
اور کیا نوجوان اُن میں شریک ہورہے ہیں؟
ہاں، یہ سرگرمیاں تو جاری ہیں۔مجو نے پہلو بدلا۔
میں مسکرایا۔’’تو مایوس مت ہو دوست، سرنگ لمبی سہی،
مگر اسکے دہانے پر روشنی ہماری منتظر ہے۔‘‘
