فرمان الہی
نماز کے اوقات
ٹی ٹوئنٹی ورلڈکپ 2026 میں انگلینڈ کے سامنے ڈراؤنا خواب بننے والی نیپالی ٹیم کو اٹلی نے 10 وکٹوں سے ہرا کر ایونٹ کی تاریخ میں اپنی پہلی کامیابی حاصل کرلی۔
ممبئی میں کھیلے جانے والے گروپ سی کے اس میچ میں اٹلی نے ٹاس جیت کر پہلے فیلڈنگ کا فیصلہ کیا اور نیپال کی اننگز 123 رنز پر تمام کردی۔
نیپال کی جانب سے عارف شیخ 27 رنز بنا کر ٹاپ اسکورر رہے، جبکہ کپتان روہیت پوڈیل نے 23، آصف شیخ نے 20 رنز بنائے۔
اٹلی کی جانب سے کریشن کلوماگے نے 3 وکٹیں لیں، بین منینٹی نے دو آؤٹ کیے جبکہ علی حسن، جے جے اسمٹس اور جسپریت سنگھ نے ایک ایک وکٹ لی۔
یورپی ٹیم نے ہدف کے تعاقب کا پراعتماد انداز اس طرح کیا کہ بغیر کوئی وکٹ گنوائے 124 رنز کا ہدف ہی حاصل کرلیا۔
اٹلی کی جانب سے انتھونی موسکا 62 اور جسٹن موسکا 60 رنز بنا کر ناقابلِ شکست رہے۔
