فرمان الہی
نماز کے اوقات
بھارتی فلمساز پریا درشن نے راجپال یادو کی جیل سزا پر خاموشی توڑ دی اور اداکار کی غلطی بتادی۔
69 سالہ پریا درشن ماضی میں راجپال یادیو کے ساتھ بھاگم بھاگ، چپ چپ کے اور دے دھنادھن جیسی فلمیں بناچکے ہیں، نے کہا کہ اداکار نے بڑی غلطی کی ہے، اس کی وجہ اُن کی کم تعلیم بھی ہے۔
انہوں نے کہا کہ میں نے اپنی فلم میں راجپال یادیو کو زیادہ معاوضے پر کاسٹ کرنے کی کوشش کی ہے، میرے اس اقدام سے یقیناً اداکار کی مالی مشکلات کم ہوسکیں گی۔
شوبز انڈسٹری کی کئی شخصیات، خاص طور پر سونو سود، گرومیت چوہدری، گرورندھا اور میکا سنگھ نے راجپال یادیو کو مالی مدد کی پیشکش کی ہے۔
دہلی ہائیکورٹ نے اداکار کی ضمانت درخواست پر سماعت پیر تک ملتوی کردی ہے، وہ اس وقت متعدد چیک باؤنس مقدمات کے باعث تہاڑ جیل میںقید ہیں۔
راجپال یادیو نے 5 فروری کو عدالت کی جانب سے مزید مہلت نہ ملنے پر خود کو سرنڈر کردیا تھا، اُن پر تقریباً 9 کروڑ روپے واجب ادا ہیں۔
قرض کا معاملہ2010ء میں فلم ’اتا پتا لاپتا ‘بنانے کےلیے 5 کروڑ لینے سے شروع ہوا تھا ، فلم کی ناکامی کے باعث مالی تنازع بڑھ گیا۔
عدالت نے راجپال یادیو کو 2018ء میں 6 ماہ قید کی سزا سنائی تھی، جسے 2019ء میں بھی برقرار رکھا گیا تھا، اب 5 کروڑ کی رقم 9 کروڑ تک پہنچ چکی ہے۔
