فرمان الہی
نماز کے اوقات
وزیرِ اعلیٰ سندھ مراد علی شاہ نے کہا ہے کہ افغان رجیم کو جواب پاکستان پر میلی نظر رکھنے والے تمام افراد کو پیغام ہے، ہم نے بھارت کو بھی منہ توڑ جواب دیا تھا اور اب افغان رجیم کو بھی مل رہا ہے۔
ایک تقریب میں شرکت کے بعد میڈیا سے بات چیت کے دوران مراد علی شاہ نے کہا کہ ہم نے پہلے ہی تیاری کی ہوئی تھی، غیر قانونی طور پر مقیم افغان باشندوں کے خلاف پہلے بھی کارروائیاں کی ہیں۔
مراد علی شاہ کا عمر کوٹ میں پیش آنے والے افسوس ناک واقعے پر بات کرتے ہوئے کہنا تھا کہ عمر کوٹ میں پولیس نے کورٹ کے آرڈر پر کارروائی کی، جس طرح پولیس نے کارروائی کی وہ کسی طور قابل قبول نہیں ہے، میں نے کل وزیرِ داخلہ اور وزیرِ تعلیم سے رابطہ کر کے تفصیلات لی ہیں۔
انہوں نے یہ بھی کہا کہ وزیرِ داخلہ یقینی بنا رہے ہیں کہ واقعے میں ملوث پولیس اہلکاروں کے خلاف کارروائی کی جائے، میں یقین دلاتا ہوں کہ پیپلز پارٹی کی حکومت میں خواتین کے ساتھ زیادتی نہیں ہو گی۔
